Rekenaarwetenskap-stroom. Hierdie stroom bestaan uit 6 modules van 16 krediete elk, sowel as ʼn verpligte programmeringsprojek van 32 krediete. Hoogstens twee modules kan by verwante departemente gevolg word met Rekenaarwetenskap se toestemming. Nie alle modules word noodwendig elke jaar aangebied nie. Datawetenskap-stroom. Hierdie stroom bestaan uit 5-8 verpligte modules wat ʼn verpligte programmeringsprojek insluit. Die oorblywende modules om die vereiste krediettotaal te bereik, is modules in Rekenaarwetenskap of uitgesoekte modules in Wiskundige Statistiek. Nie alle modules word noodwendig elke jaar aangebied nie.

Selfstandige navorsingswerk oor ʼn goedgekeurde onderwerp soos deur die betrokke studieleier(s) bepaal en wat tot ʼn tesis lei, word van jou vereis.

ʼn Proefskrif word vereis wat die resultate van jou selfstandige navorsing bevat.

'n Groot sagteware ontwikkeling- of navorsingsprobleem waaraan die student onafhanklik werk, onder leiding van 'n personeellid

Die module sluit aan by Rekenaarwetenskap 214 en behandel gevorderde onderwerpe in die ontwerp en analise van algoritmes en datastrukture. ʼn Keuse uit die volgende onderwerpe word gedek: algoritme-ontwerpstegnieke, lineêre programmering, benaderingsalgoritmes, willekeurige algoritmes, probabilistiese algoritmes, parallelle algoritmes, getalteoretiese algoritmes, kriptoanalise, berekeningsmeetkunde, berekeningsbiologie, netwerkalgoritmes, en kompleksiteitsteorie.

Uitgesoekte onderwerpe van aktuele belang wat deur dosente of besoekende navorsers aangebied word.

Prominente masjienleerkonsepte en -take. Uitgekose kenmerkonttrekking- of dimensieverminderingstegnieke. Inleiding tot probabilistiese modellering en verskuilde veranderlike modelle. Fundamentele benaderings tot parameterberaming.

Tensy jy Rekenaarwetenskap 314 of ʼn ekwivalent voltooi het, is die onderstaande Rekenaarwetenskap-module ook verpligtend. Die module behandel ʼn oorsig van die veld van gelyklopendheid, die teoretiese eginsels van gelyklopende stelsels, die ontwerp, implementasie, en verifikasie van gelyklopende stelsels, en praktiese aspekte van verspreide en parallelle programmering. Die klem val op enkele uitgesoekte onderwerpe van belang.

’n Inleiding tot die teorie van outomate en berekenbaarheid.

Die kursus behandel modelle wat gebruik word om die werksverrigting van kommunikasie netwerke te evalueer.

’n Inleiding tot verskeie tegnieke vir die bestuur van sagteware kwaliteit

Algoritmes en tegnieke in Ruimtewetenskap, met toepassings.

Die module gee ’n inleiding tot die funksionele programmerings-paradigma

Die module verskaf 'n inleiding tot die ontdekking en uitbuiting van kwesbaarhede in sagteware stelsels. Ons leer hoe om kwesbaarhede te ontbloot en hul uitbuitbaarheid te demonstreer en fokus daarna op metodes om dele van die ontekkingsproses te outomatiseer, deur middel van statiese en dinamiese programanalise.

Hierdie module is ʼn inleiding tot uitgesoekte onderwerpe in masjienleer.